Newyddion Polisi

Mae Care & Repair Cymru yn gweithio i geisio dylanwadu ar bolisïau cenedlaethol; yn benodol y polisïau sy'n effeithio pobl hyn yng Nghymru. Byddwn yn gwneud hynny wrth ddefnyddio arbenigedd mudiad Gofal a Thrwsio a chydweithio mewn partneriaeth â chyrff cenedlaethol eraill.

EIN DULLIAU GWEITHREDU?

Rhwydweithiau & partneriaethau

Byddwn yn helpu i ddatblygu polisïau wrth fod yn rhan o 'grwpiau arbenigol', er enghraifft y grwp ymgynghorol a ddatblygodd y Strategaeth Pobl Hyn, y grwp cynllunio gweithredu ar gyfer Fframwaith Gwasanaeth Cenedlaethol Pobl Hyn a rhwydweithiau a phartneriaethau cenedlaethol eraill.

Mae'r partneriaethau a rhwydweithiau'n cynnwys:

• Fforwm Tai Cymru
• Cynghrair Henoed Cymru
• Rhwydwaith Pobl Hyn a Heneiddio (rhwydwaith ymchwil)
• Grwp Llywio Cadw'n Iach dros y Gaeaf

Ymgynghori

Ar lefel genedlaethol, byddwn yn ymateb i bapurau ymgynghorol y Cynulliad a Llywodraeth y Deyrnas Unedig. Rydym wedi cyflwyno tystiolaeth lafar i bwyllgorau'r Cynulliad.

Byddwn yn gwrando ar anghenion a phrofiadau pobl hyn wrth gydweithio'n agos ag Asiantaethau Gofal a Thrwsio. Ein profiadau ni a rhai'r Asiantaethau wrth gydweithio â phartneriaid lleol sy'n symbylu ein hymateb i strategaethau a pholisïau.

Cylchlythyrau, dogfennau a fforymau

Byddwn yn gweithio'n galed i hysbysu rheolwyr Asiantaethau o ddatblygiadau ym meysydd polisi yng Nghymru a'r Deyrnas Unedig wrth gynnal gwahanol weithgareddau.

Mae ein pecyn dosbarthu misol yn trafod y newyddion diweddaraf, datblygiadau polisi, cyrsiau hyfforddi a manylion cyrff cyllido, gwefannau defnyddiol a phapurau gwybodaeth.

Tîm rhanbarthol Care & Repair Cymru yw'r ddolen gyswllt rhwng y swyddfa genedlaethol a'r Asiantaethau. Mae'n gyfrifol am fwydo gwybodaeth o'r swyddfa genedlaethol i'r rheolwyr ac o'r rheolwyr i gydweithwyr ar y tîm cenedlaethol. Bydd hefyd yn trefnu fforymau ar gyfer staff a rheolwyr yr Asiantaethau.